منتديات امبده اون لاين
نرحب بكم في منتديات امبده اون لاين
well come to ombadaonline forums
منتديات امبده اون لاين
نرحب بكم في منتديات امبده اون لاين
well come to ombadaonline forums
منتديات امبده اون لاين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اسلامي اجتماعي ثقافي رياضي
 
الرئيسيةالبوابةأحدث الصورالتسجيلدخول

 

 بلادي أنا يا بلادي

اذهب الى الأسفل 
2 مشترك
كاتب الموضوعرسالة
الشبوابي




عدد المساهمات : 56
تاريخ التسجيل : 27/04/2011

بلادي أنا يا بلادي Empty
مُساهمةموضوع: بلادي أنا يا بلادي   بلادي أنا يا بلادي I_icon_minitimeالأحد مايو 29, 2011 12:42 pm


الشاعر / إسماعيل حسن

بلادي
******
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره 00 وسط الداره00
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي00 لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا00 معايا زي ضلى
لو ما جيت من زي ديل..
كان 000أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟

الرجوع الى أعلى الصفحة اذهب الى الأسفل
جوري




عدد المساهمات : 5
تاريخ التسجيل : 23/07/2011
الموقع : الرياض

بلادي أنا يا بلادي Empty
مُساهمةموضوع: رد: بلادي أنا يا بلادي   بلادي أنا يا بلادي I_icon_minitimeالسبت يوليو 23, 2011 4:24 pm

يا سلام عليك يا شبوابي الاغنيه دي بالذااات برييييده ريده شدييده مشكووور
الرجوع الى أعلى الصفحة اذهب الى الأسفل
 
بلادي أنا يا بلادي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات امبده اون لاين :: منتدى الفكر و الثقافة :: منتدى الشعر العربي-
انتقل الى: